რუსთავის საბავშვო ბაგა - ბაღებში 2025-2026 სასწავლო წლისათვის, ბავშვთა რეგისტრაციის მსურველთა საყურადღებოდ!
პირველი ეტაპი - ელექტრონული რეგისტრაცია გაიმართება 2025 წლის 4 ივნისს დილის 10 საათიდან.
4 ივნისს რეგისტრაციას გაივლიან უპირატესად ჩასარიცხი, პრიორიტეტით მოსარგებლე ბავშვები:
ა) სპეციალური საჭიროების მქონე ბავშვები (პირი, რომელსაც თანატოლებთან შედარებით აქვს სიძნელე სწავლაში და რომლისთვისაც საჭიროა სასწავლო-სააღმზრდელო პროცესის (პროგრამის) მოდიფიცირება ან/და სასწავლო გარემოსთან ადაპტაცია ან/და ინდივიდუალური სასწავლო გეგმის შედგენა და განხორციელება) წარმოსადგენი დოკუმენტი: ცნობა ჯანმრთელობის მდგომარეობის შესახებ, რომლითაც დადასტურდება ბავშვის სსმ სტატუსი და იკითხება კონკრეტული დიაგნოზი.
ბ) დედმამიშვილები (ა.(ა).ი.პ. „ქალაქ რუსთავის საბავშვო ბაგა–ბაღების გაერთიანების“ ფილიალში ჩარიცხული აღსაზრდელის დედმამიშვილი, გარდა 2024-2025 სასწავლო წლის 5-6 წლიან ასაკობრივი ჯგუფის აღსაზრდელებისა) წარმოსადგენი დოკუმენტი: ცნობა აღსაზრდელის ა.(ა).ი.პ. „ქალაქ რუსთავის საბავშვო ბაგა–ბაღების გაერთიანების“ ფილიალში ჩარიცხვის შესახებ.
გ) მარტოხელა მშობლის სტატუსის მქონე პირთა შვილები (მარტოხელა დედის ან მარტოხელა მამის სტატუსის მქონე პირის შვილი ან/და ნაშვილები) წარმოსადგენი დოკუმენტი: ბავშვის დაბადების აქტის ჩანაწერი, სადაც არ არის შეტანილი ჩანაწერი ბავშვის მამის ან დედის შესახებ ან/და მარტოხელა მშობლის სტატუსის დამადასტურებელი დოკუმენტი.
დ) მინდობით აღზრდაში მყოფი ბავშვები (სახელმწიფოსა და მინდობით აღმზრდელს შორის დადებული ხელშეკრულების საფუძველზე მინდობით აღმზრდელისთვის მინდობით აღსაზრდელად გადაცემული პირი)
წარმოსადგენი დოკუმენტი: შესაბამისი უფლებამოსილების მქონე დაწესებულების მიერ გაცემული ცნობა ან მოწერილობა, რომლითაც დასტურდება ზემოაღნიშნული ან/და სახელმწიფოსა და მინდობით აღმზრდელს შორის დადებული ხელშეკრულება.
ე) ობოლი ბავშვები ან ბავშვები, რომელსაც გარდაცვლილი ჰყავს ერთ ერთი მშობელი (ობოლი ბავშვი-რომელსაც არცერთი მშობელი არ ჰყავს) წარმოსადგენი დოკუმენტი: ბავშვის დაბადების მოწმობის ასლი და მშობლის გარდაცვალების მოწმობა
ვ) მრავალშვილიანი მშობლის სტატუსის მქონე პირთა შვილები (პირი, რომელსაც ჰყავს ოთხი ან მეტი შვილი ან/და ნაშვილები); (წარმოსადგენი დოკუმენტი: მრავალშვილიანი მშობლის სტატუსის დამადასტურებელი დოკუმენტი)
ზ) ა.(ა).ი.პ. „ქალაქ რუსთავის საბავშვო ბაგა–ბაღების გაერთიანება“-ის თანამშრომელთა შვილები. (ცნობა პირის ა.(ა).ი.პ. „ქალაქ რუსთავის საბავშვო ბაგა–ბაღების გაერთიანება“-ში დასაქმების შესახებ)
პრიორიტეტული კატეგორიით დარეგისტრირებულ აღსაზრდელის მშობელმა/კანონიერმა წარმომადგენელმა, არაუგვიანეს 2025 წლის 19 ივნისისა შესაბამის ფილიალში წარადგინოს პრიორიტეტული კატეგორიის სტატუსის დამადასტურებელი დოკუმენტი და ჩარიცხვისთვის სავალდებულო დოკუმენტაცია.
1.ბავშვის დაბადების მოწმობა (ასლი)
2. ორი ფოტოსურათი (3x4)
3. ცნობა ბავშვის რუსთავში რეგისტრაციის შესახებ, გაცემული იუსტიციის სამინისტროს სსიპ "სამოქალაქო სერვისების განვითარების სააგენტოს" ან საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ. (საინფორმაციო ბარათი)
4. ჯანმრთელობის ცნობა (ფორმა N100).
მეორე ეტაპი - საყოველთაო რეგისტრაცია გაიმართება 25 ივნისს.
25 ივნისს საყოველთაო რეგისტრაცია გაიმართება შემდეგი სქემით:
- 10 საათიდან 2-3 წლ.01.01.2023 დან
30.11.2023 მდე დაბადებული ბავშვები
- 11 საათიდან 3-4 წლიანებში 2022 წელს დაბადებული ბავშვები
- 12 საათიდან 4-5 წლიანებში 2021 წელს დაბადებული ბავშვები
- 13 საათიდან 5-6 წლიანებში 2020 ში დაბადებული ბავშვები
სარეგისტრაციო საიტი ჩაირთვება უშუალოდ რეგისტრაციის წინ.
დარეგისტრირებული აღსაზრდელის მშობელმა/კანონიერმა წარმომადგენელმა, არაუგვიანეს 2025 წლის 10 ივლისს, შესაბამის ფილიალში წარადგინოს ჩარიცხვისთვის საჭირო დოკუმენტაცია.
ფილიალში ჩარიცხვისთვის სავალდებულოა შემდეგი დოკუმენტაცია:
1.ბავშვის დაბადების მოწმობა (ასლი)
2. ორი ფოტოსურათი (3x4)
3. ცნობა ბავშვის რუსთავში რეგისტრაციის შესახებ, გაცემული იუსტიციის სამინისტროს სსიპ "სამოქალაქო სერვისების განვითარების სააგენტოს" ან საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ. (საინფორმაციო ბარათი)
4. ჯანმრთელობის ცნობა (ფორმა N100).
2025-05-28 18:55:52
