რუსთავის ხრიდოლის კლუბის "ღვთის მებრძოლების" წარმატება კუნგ-ფუს საერთაშორისო ასპარეზზე. 

2026 წლის 14-15 მარტს მცხეთა-ში, უმაღლესი დაოსტატების მცხეთის საჭიდაო სკოლის დარბაზში გაიმართა კუნგ-ფუს ტრადიციული საერთაშორისო ტურნირი. ღონისძიება ორგანიზებული იყო საქართველოს კუნგ-ფუს ფედერაციის მიერ. 

ტურნირში მონაწილეობა მიიღო საქართველოს სხვადასხვა რეგიონის 16 ორთაბრძოლების სკოლამ და კლუბმა, ასევე სომხეთი-ს ნაკრებმა 29 სპორტსმენის შემადგენლობით. შეჯიბრში ჩართული იყვნენ როგორც ვაჟები, ასევე გოგონები. მონაწილეთა საერთო რაოდენობამ 159 სპორტსმენი შეადგინა.
ჩემპიონატი გაიმართა კუნგ-ფუს ორ მიმართულებაში: ფაიტინგი (სრულკონტაქტიანი ორთაბრძოლა) და შუაიჯიაო (ჩინური ჭიდაობა).

ღონისძიების ფარგლებში ტაოლუში საჩვენებელი გამოსვლა წარმოადგინა რუსთავის კლუბ „ვინ-ჩუნის“ 9 წლის სპორტსმენმა ვიქტორია კოლესნიკოვამ. მისი მწვრთნელია რეზო ზარნაძე.

რუსთავის ხრიდოლის კლუბმა „ღვთის მებრძოლმა“ ტურნირში ოთხი სპორტსმენით მიიღო მონაწილეობა და შემდეგი შედეგები დააფიქსირა:

ოქროს მედლები: ელენე ჩაჩუა, ნიკოლოზ გოგოლაძე
ვერცხლის მედლები: ნიკოლოზ ასრათაშვილი, ანდრია აბულაძე

საქართველოს კუნგ-ფუს ფედერაციამ მადლობა გადაუხადა ყველა მწვრთნელსა და ინსტრუქტორს, ასევე მცხეთის საჭიდაო სკოლის დირექციასა და თანამშრომლებს ღონისძიების ორგანიზებაში შეტანილი წვლილისთვის.