რუსთავში წელს მუნიციპალური ავტობუსით უბილეთოდ მგზავრობის გამო 627 ადამიანი დაჯარიმდა.

ამის შესახებ საინფორმაციო სააგენტო "ინფო რუსთავს" ინფორმაცია რუსთავის მუნიციპალური ავტოტრანსპორტის საწარმოში მიაწოდეს.

მგზავრების შემოწმება მიმდინარე წლის მარტიდან დაიწყო.

თვეების მიხედვით გამოწერილი ჯარიმების რაოდენობა ასე ნაწილდება:

მარტის -185

აპრილის -194

მაისის - 64  

ივნისის - 179

ცნობისთვის, იმ შემთხვევაში თუ მოქალაქე მუნიციპალური ტრანსპორტით უბილეთოდ იმგზავრებს, კონტროლიორი მას კანონით გათვალისწინებული საჯარიმო თანხით, 20 ლარით დააჯარიმებს.