საკრებულოს წევრებმა სხდომაზე რუსთავის მერიის მიერ გადაგზავნილი ბიუჯეტი განიხილეს. ხარვეზების და დამატებითი პრიორიტეტების განსაზღვრის შემდეგ, საკრებულომ ბიუჯეტი მერიას თავიდან გადაუგზავნა. მიზეზად კი სოციალური საკითხების მეტი სიზუსტე და საკრებულოს მიერ შეთავაზებული სამი პროგრამის დამატება დასახელდა, რომლებიც უსინათლო ადამიანებზე და სახელმწიფოს ზრუნვიდან გამოსულ ბავშვებზე ზრუნვას გულისხმობს. 2018 წლის ბიუჯეტი 35.5 მილიონი ლარით განისაზღვრა. შეგახსენებთ, რომ ბიუჯეტი საკრებულოს განსახილველად 15 ნოემბერს გადაეგზავნა.