რუსთავში შობადობის მაჩვენებელი შემცირდა.
ბოლო 28 წლის განმავლობაში 2021 წელს რუსთავში ყველაზე ცოტა ბავშვი დაიბადა.
სტატისტიკის ეროვნული სამსახურის მონაცემებით 2021 წლის 1 იანვრიდან 31 დეკემბრის ჩათვლით რუსთავში 1390 ბავშვი დაიბადა.
მონაცემების მიხედვით 2021 წელს მკვდარშობადობის 9 შემთხვევა დაფიქსირდა.
გაზრდილია გარდაცვალების მაჩვენებელი. 1994 წლის შემდეგ 2021-ში ყველაზე მეტი, 1660, ადამიანი გარდაიცვალა.
მიუხედავად ამისა გასულ წელს რუსთავის მოსახლეობა გაიზარდა და 130 100 გახდა.