რუსთავში სიკვდილი გაძვირდა.

ქალაქის საკრებულოს მიერ "ქალაქ რუსთავის მუნიციპალიტეტის ტერიტორიაზე სასაფლაოების მოწყობისა და მოვლა-პატრონობის წესის დამტკიცების შესახებ" დადგენილებაში ცვლილებები შევიდა. რომლის მიხედვითაც, 3 და 4 ადგილიანი საფლავის ფასი 120 ლარით გაიზარდა.

უცვლელი დარჩა 1 და 2 ადგილიანი საფლავის ფასები.

საკრებულოს თავმჯდომარის ლევან ონიანის განცხადებით, ფასების ზრდა სერვისის გაუმჯობესებამ გამოიწვია.

საფლავის საფასური:

1. ერთადგილიანი - 50 ლარი

2. ორადგილიანი - 100 ლარი

3. სამადგილიანი - 200 ლარი

4. ოთხადგილიანი - 300 ლარი

5. არსებულ საფლავზე 1 ადგილის მომატება - 150 ლარი

6. სამარხზე მომსახურება (მიწის გათხრის სამუშაოები) - 120 ლარი.