საქართველოს განათლების სამინისტრომ ქვეყნის მასშტაბით 121 საჯარო სკოლაში Wi-Fi ქსელების მოწყობაზე ტენდერი გამოაცხადა.

შერჩეული სკოლებიდან 58 სკოლა დასავლეთ საქართველოშია, ხოლო 63 სკოლა აღმოსავლეთ საქართველოში, მათ შორის 1 რუსთავში.  

Wi-Fi ქსელები მოეწყობა:

რუსთავი - #22 საჯარო სკოლა;

მარნეული - სოფელ საიმერლოს, გვანკითისა და წერეთლის სკოლები, #2 საჯარო სკოლა სოფელ ალგეთში, #2 საჯარო სკოლა სოფელ მუგანლოში და #1 საჯარო სკოლა სოფელ შაუმიანში;

ბოლნისი - ბოლნისის მუნიციპალიტეტის #3 საჯარო სკოლა, სოფელ რატევანისა და დისველის სკოლები;

წალკა - სოფელ სამების, საყდრიონის, ავრანლოსა და ახალშენის სკოლები;

თეთრიწყარო - თეთრიწყაროს მუნიციპალიტეტის #1 საჯარო სკოლა, სოფელ მარაბდას სკოლა;

დმანისი - სკოლა სოფელ დიდში;

გარდაბანი - სოფელ სართიჭალის #2 საჯარო სკოლა, სოფელ კალინინოს სკოლა;

ტენდერში წინადადებების მიღება 2021 წლის 8 თებერვალს და 12 თებერვალს დასრულდება. სკოლებში Wi-Fi ქსელების მოწყობა კი, გამარჯვებულთან ხელშეკრულების გაფორმებიდან 6 თვეში უნდა დასრულდეს.

ტენდერის სახელშეკრულებო ღირებულება 4 023 000 ლარია. შესყიდვა განხორციელდება დონორის – მსოფლიო ბანკის დაფინანსებით.