2020-12-04 00:01:05
ჩხოროწყუს მუნიციპალიტეტის სოფელ ხაბუნესთან სასწრაფო-სამედიცინო დახმარების ეკიპაჟი ავარიაში მოყვა.
სასწრაფო დახმარებას ჩხოროწყუ-მუხურის გზაზე მომხდარი ავტოსაგზაო შემთხვევის დროს დაშავებული სამედიცინო დაწესებულებაში გადაჰყავდა, რა დროსაც თავადაც ავარიაში მოყვა.
შემთხვევის დროს დაშავებული სამი პირი, ერთი პაციენტი და სასწრაფოს 2 თანამშრომელი, სამედიცინო დაწესებულებაში გადაიყვანეს.
როგორ "ინფო რუსთავს" შინაგან საქმეთა სამინისტროში განუცხადეს, ფაქტზე გამოძიება სისხლის სამართლის კოდექსის 276-ე მუხლის მე-2 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას ნიშნავს, რამაც ჯანმრთელობის ნაკლებად მძიმე დაზიანება გამოიწვია.
ფოტო: My city - Chkhorotsku
