რუსთავში, საცხოვრებელ კორპუსში ხანძარი იყო. ცეცხლი მე-7 მიკრორაიონის ერთ-ერთი კორპუსის მეექვსე სართულის ღია აივანზე საყოფაცხოვრებო ნარჩენების ურნას გაუჩნდა.
ადგილობრივების თქმით, ცეცხლის გაჩენის მიზეზი საყოფაცხოვრებო ნარჩენებში ჩავარდნილი სიგარეტის ნამწვი გახდა.
ადგილზე მობილიზებული იყო სახანძრო-სამაშველო, სასწრაფო სამედიცინო დახმარების და საპატრულო პოლიციის ეკიპაჟები.
ცეცხლი ამ დროისთვის ლიკვიდირებულია.