რუსთაველმა მსახიობმა შოთიკო ნოზაძემ "ჩემი ცოლის დაქალები" დატოვა.

როგორც ცნობილია 25 ოქ­ტომ­ბერს "ფორ­მუ­ლას" ეთერ­ში პო­პუ­ლა­რუ­ლი სე­რი­ა­ლი "ჩემი ცო­ლის და­ქა­ლე­ბის" მე-16 სე­ზო­ნი იწყება, რო­მელ­საც მა­ყუ­რე­ბე­ლი განსაკუთრებით ელოდება.

"ინფო რუსთავის" ინფორმაციით "ჩემი ცოლის დაქალების" ახალი სეზონი რამდენიმე ცნობილი და ყველასათვის საყვარელი მსახიობების გარეშე დაიწყება, მათ შორისაა რუსთაველი მსახიობი შოთიკო ნოზაძე (პერსნაჟი - თენგოი).

საინფორმაციო სააგენტოს ჟურნალისტი მსახიობს დაუკავშირდა და გაარკვია, თუ რა გახდა სერიალის დატოვების მიზეზი.

გიხილავთ თუ არა ისევ "ჩემი ცოლის დაქალებში"?

არა, ჩცდ-ში აღარ მიხილავთ.

რამ განაპირობა რომ დაგეტოვებინათ სერიალი?

მივიღე გადაწყვეტილება დამეტოვებინა სერიალი და დავრჩენილიყავი რუსთავი2-ში, კომედი შოუში.

თქვენი გადაწყვეტილებით დატოვეთ სერიალი? თუ არის შანსი დაბრუნების?

დიახ ჩემი გადაწყვეტილებით დავტოვე სერიალი. დაბრუნების შანსი არის, თუ იქნება მათი სურვილი.

თუ თქვენი გადაწყვეტილებით დატოვეთ "ჩცდ", მათ სურვილზე რატომ ხართ დამოკიდებული?

გამომდინარე იქიდან, რომ რაღაცებზე ვერ შევთანხმდით მომიწია სერიალის დატოვება.

ჩვენ გვაქვს ინფორმაცია, რომ ან "ჩემი ცოლის დაქალებში" უნდა ყოფილიყავით ან "კომედი შოუში, მართალია?

რუსთავი 2-ის მხრიდან არანაირი პრობლემა არ იყო რომ "ჩემი ცოლის დაქალებშიც" ვყოფილიყავი და "კომედი შოუშიც", მათ ეს პრობლემა არც ახლა აქვთ. მაგრამ "ფორმულას" შეხედულება იყო ის, რომ არ უნდა ვყოფილიყავი სხვა არხზე, არ ქონდა მნიშვნელობა ტელევიზიას, ამიტომ მივიღე ეს გადაწყვეტილება და დავრჩი რუსთავი 2-ზე.

მომხდართან დაკავშირებით "ჩცდ-ს" პროდიუსერი ირაკ­ლი სა­ღი­ნა­ძე ambebi.ge -სთან აცხადებს რომ - "პრინ­ცი­პუ­ლი წი­ნა­აღ­მდე­გი ვარ, რომ პერ­სო­ნა­ჟე­ბი იქაც და აქაც იყ­ვნენ დუბ­ლი­რე­ბუ­ლი, რად­გა­ნაც ეს სხვა­დას­ხვა რამ არის. მათ პერ­სო­ნა­ჟე­ბის შე­ნარ­ჩუ­ნე­ბა უნ­დო­დათ, მაგ­რამ ჩემი პრინ­ცი­პუ­ლი პო­ზი­ცია იყო, რომ არ­ჩე­ვა­ნი გა­ე­კე­თე­ბი­ნათ და მათ დაგვტო­ვეს.

ასე­თია არა მხო­ლოდ ჩემი, პრო­ექ­ტის შემ­ქმნე­ლე­ბის პო­ზი­ცი­აც, რომ სე­რი­ა­ლის პერ­სო­ნა­ჟე­ბის დუბ­ლი­რე­ბა სხვა­დას­ხვა სივ­რცე­ში პერ­სო­ნაჟს აზი­ა­ნებს, პერ­სო­ნაჟს, რო­მე­ლიც ჩვე­ნი სამ­ყა­როს ნა­წი­ლია, ჩვენ­თან შექ­მნი­ლი და ჩა­მო­ყა­ლი­ბე­ბუ­ლი".

სერიალი"ჩემი ცოლის დაქალები" შოთიკო ნოზაძესთან ერთად ქეთი ხუ­ციშ­ვილ­მა (ლუნა) და ზურაბ ნი­ჟა­რა­ძემ (მერაბ დარჩია) დატოვეს.