2021-09-22 20:46:36
რუსთავში, მე-19 მიკრორაიონში ხანძარია.
როგორც საინფორმაციო სააგენტო "ინფო რუსთავს" თვითმხილველებმა განუცხადეს, ცეცხლი სუპერმარკეტ მადაგონის უკან მდებარე მაღაზიების სახურავზე გაჩნდა და 4 ობიექტზე გავრცელდა.
იმისთვის რომ ცეცხლი უფრო დიდ ტერიტორიაზე არ გავრცელებულიყო მიმდებარე ქუჩებზე ელექტრო ენერგია გათიშეს.
შემთხვევის დროს არავინ დაშავებულა.
ადგილზე მობილიზებულია სახანძრო-სამაშველო სამსახურის რამდენიმე ეკიპაჟი, ასევე კრიმინალური და საპატრულო პოლიცია.
