რუსთავში რვა 23 სართულიანი ახალი კორპუსი აშენდება.

კორპუსების ასაშენებლად განაშენიანების დეტალური გეგმა რუსთავის საკრებულომ დაამტკიცა. წარმომადგენლობითმა ორგანომ მიწის ნაკვეთისთვის ზონის ცვლილებაზეც იმსჯელა და კოეფიციენტი კ-2-დან 3.5-მდე გაუზარდა.

8 ახალი მრავალსართულიანი ბინის აშენება მე-19 მიკრორაიონში, მოდებაძის ქუჩის მიმდებარედ 56 000 კვ.მ-ზე იგეგმება.

მაცნეზე გამოქვეყნებული დანართის მიხედვით, 23 სართულიანი კორპუსის პირველი სართული კომერციულ ფართს დაეთმობა, მე-3 და მე-3 სართულზე კი პარკინგი განთავსდება. გარდა ამისა, კორპუსების მიმდებარედაც მოეწყობა მიწის ზედა ავტომობილების სადგომები.

1-ელ კორპუსთან - 56 საპარკინგე ადგილი

მე-2 კორპუსთან - 52;

მე-3 კორპუსთან - 50;

მე-4 კორპუსთან - 28;

მე-5 კორპუსთან - 30;

მე-6 კორპუსთან - 30;

მე-7 კორპუსთან - 55;

მე-8 კორპუსთან - 74.