2025-01-12 17:03:52
რუსთავში, მოდებაძის ქუჩას სრული რეაბილიტაცია ჩაუტარდება.
კომპანიის გამოსავლენად, რომელიც სამუშაოებს ჩაატარებს, რუსთავის მუნიციპალიტეტმა ელექტრონული ტენდერი გამოაცხადა.
ტენდერზე თან დართული დოკუმენტაციის მიხედვით, სარეაბილიტაციო სამუშაოები უნდა ჩატარდეს ისე, რომ უზრუნველყოფილი იყოს საავტომობილო მოძრაობა. სწორედ ამიტომ სამუშაოები ჩატარდება ეტაპობრივად გზის ერთ ნახევარზე და მეორეზე შენარჩუნებული იქნება ავტომობილთა გადაადგილება.
რეაბილიტაციის განმავლობაში განახლდება გზის საფარი, მოეწყობა ტროტუარები, ველობილიკი, გამწვანებული და საპარკინგე სივრცეები.
