რუსეთი საქართველოსთან სავიზო რეჟიმს აუქმებს.

შესაბამისი ბრძანებულება, რომელსაც ვლადიმერ პუტინმა ხელი მოაწერა, უკვე გამოქვეყნებულია.

დოკუმენტის მიხედვით, სავიზო რეჟიმი უქმდება 15 მაისიდან და საქართველოს მოქალაქეებს 90-დღემდე ვადით შეეძლებათ უვიზოდ ჩასვლა.

რუსეთის პრეზიდენტის, ვლადიმირ პუტინის გადაწყვეტილებით, რუსეთმა საქართველოსთან ავიამიმოსვლა 2019 წლის 8 ივლისიდან შეწყვიტა, რასაც წინ უძღოდა რუსული ოკუპაციის საწინააღმდეგო აქციები.

მას შემდეგ საქართველოში რუსეთიდან თვითმფრინავით ჩამოსვლა მხოლოდ სხვა ქვეყნის გავლით არის შესაძლებელი.