ბათუმი-ქობულეთის შემოვლით გზაზე ავტობუსს ცეცხლი გაუჩნდა და მთლიანად დაიწვა.
შემთხვევის დროს ავტობუსში მხოლოდ მძღოლი იმყოფებოდა, რომელმაც გადმოსვლა მოასწრო.
ხანძრის გამო, ბათუმი-ქობულეთის შემოვლით გზაზე ტრანსპორტის მოძრაობა შეფერხდა.
შემთხვევის ადგილზე სამართალდამცველები, ასევე სახანძრო და სამაშველო ეკიპაჟები არიან მობილიზებული.
ხანძარი ამ დროისათვის ლიკვიდირებულია. ფაქტზე დაწყებულია გამოძიება.