2018-12-23 18:04:13
ყაჩაღობა იარაღის მუქარით. თამარაშვილის 10 ნომერში მდებარე მიკროსაფინანსო კომპანია „ინექს გრუპი“ დააყაჩაღეს.
თვითმხილველების ინფორმაციით კომერციულ ობიექტში თავდამსხმელი შეიარაღებული შევიდა. დაყაჩაღებისას შენობაში ორგანიზაციის თანამშრომლები-მოლარე და ოპერატორები იმყოფებოდნენ.
გავრცელებული ინფორმაციით, კომპანიიდან წაღებულია თანხის ნაწილი, თუმცა ზუსტი ოდენობა ამ დრომდე უცნობია.
თვითმხილველების ინფორმაციით დაყაჩაღების შემდეგ თავდამსხმელი მიიმალა. ამ დროისთვის ადგილზე მიმდინარეობს საგამოძიებო მოქმედებები.
