სა­ბერ­ძნეთ­ში ნაპოვნ 24 წლის ქართველი გოგონას დაღუპვის ფაქტთან დაკავშირებით ახალი ინფორმაცია გავრცელდა. მისი მეგობრები ამბობენ, რომ სოფო წამებითაა მოკლული.

მეგობრების ინფორმაციით, ახალგაზრდა ქალი მოკლულია. მას 1 თვის ჩვილი დარჩა, რომელიც ათენის ერთ-ერთ ბავშვთა საავადმყოფოშია გადაყვანილი.

არსებული ინფორმაციით, როდესაც ახლობლებმა სოფოს ცხედარი ნახეს, პატარა დამამშვიდებელი აბაბების ზემოქმედების ქვეშ იმყოფებოდა.

მოკლული გოგოს მეგობარი ამბობს: "სოფო სასტიკად არის ნაწამები. როდესაც არ გამოჩნდა მეგობრები მის საცხოვრებელ ადგილზე მივიდნენ, კარი არავინ გაუღო, სახლიდან კი ძაღლის გაბმული წკმუტუნისა და ყეფის ხმა ისმოდა. კარი შეამტრვრიეს და საშინელი ვითარება დახვდათ. საწყალი გოგონა ძირს ეგდო. როგორც თვითმხილვევებმა გვითხრეს, სოფო მკვლელობის მსხვერპლია, მისი ლამაზი სხეუილი სულ ნაწამები და დალურჯებული იყო, საბრალო 1 თვის ჩვილი კი საწოლში იწვა, რომელიც პოლიციელების თქმით, საძილე საშუალების ზემოქმედების ქვეშ იყო"- ამბობს გარდაცვლილი ქალის მეგობარი.

გარდაცვლილი ქალის გადმოსვენების პროცედურაში ჩართულია ათენში საქართველოს საკონსულო. ცხედარს ამ დროისთვის ექსპერტიზა უტარდება. ოჯახის ახლობლების თქმით, გოგონას მეუღლე პატიმარია. ცნობილია, რომ სოფო წიკლაურის დედაც საბერძნეთში ცხოვრობს.

"დეტალები უცნობია, რა მოხდა და რატომ მოკლეს, ის მარტო ცხოვრობდა საკუთარ შვილთან ერთად. მისი შვილი ერთი თვის ჩვილია და საავადმყოფოშია გადაყვანილი. სოფოს ჰყავს მეუღლე, რომელიც ჩემი ინფორმაციით, პატიმარია. რამდენადაც ვიცი, ათენში ცხოვრობს სოფოს დედაც, მას მეორე ოჯახი აქვს, ბერძენი მეუღლე ჰყავს. სხვა დეტალები ჩემთვის ცნობილი არ არის. როგორც მეუბნებიან, სოფოს ძალიან უჭირდა და დახმარებას საჭიროებდა. ძალიან სამწუხარო და შემზარავი ამბავი მოხდა”, – განაცხადა ათენიდან ქართველ ემიგრანტთა საერთაშორისო ცენტრის პრეზიდენტმა დარეჯან ღამბაშიძემ. მოკლული 24 წლის სოფო წიკლაური 5 წელი საბერძნეთში ცხოვრობდა.