მძღოლი, რომელიც რუსთავში, შარტავას გამზირზე ზებრა გადასასვლელზე ქვეითს დაეჯახა და მიიმალა, იდენტიფიცირებულია.

საინფორმაციო სააგენტო "ინფო რუსთავის" ინფორმაციით, "ჰიუნდაის" მარკის ავტომობილის მძღოლის იდენტიფიცირება პოლიციამ შეძლო და მას ადმინისტრაციული სამართალდარღვევათა კოდექსის მიხედვით ჯარიმაც დაუწერა.

ავტოსაგზაო შემთხვევის დროს დაშავებული ქალი მკურნალობას კლინიკა "რუსთავში" გადის. როგორც სამედიცინო დაწესებულებაში გვითხრეს, პაციენტის მდგომარეობა სტაბილურია და აღენიშნება ტვინის შერყევა.