ე.წ. "სტამბულის" ბაზრის მეწილეს სამსონ ქუთათელაძის მკვლელობის საქმეზე, მტკვარზე საგამოძიებო მოქმედებები განახლდა. ადგილზე პოლიცია და საგანგებო სიტუაციების მართვის სამსახურია მობილიზებული. მტკვრის მარჯვენა სანაპიროზე ექსპერტები და მყვინთავები საგამოძიებო სამუშაოებში მონაწილეობენ. არსებული ინფორმაციით, მკვლელმა ცეცხლსასროლი იარაღი მტკვარში გადააგდო. სამძებრო სამუშაოები მტკვრის ამ ნაწილში გუშინაც მიმდინარეობდა, თუმცა ხილვადობის გაუარესების და დაბალი ტემპერატურის გამო შეწყდა. საგამოძიებო ღონისძიებები აღნიშნულ ადგილზე 2 დღის წინ დაიწყო. შეგახსენებთ, რომ სამსონ ქუთათელაძე საკთარ კაბინეტში 15 იანვარს მოკლეს.