საქართველოს და ისლანდიის მთავრობას შორის საჰაერო მიმოსვლის შეთანხმებას ხელი მოეწერა.

შესაბამისი განკარგულება პრემიერმა 9 სექტემბერს გამოსცა.

ისლანდიის საემიგრაციო სამსახურის მონაცემებით, თავშესაფარს 2017 წელს ყველაზე ხშირად საქართველოს მოქალაქეები ითხოვდნენ, თუმცა, შემდეგ ეს ტენდენცია შეიცვალა, რადგან ისლანდიამ საქართველო უსაფრთხო ქვეყნად გამოაცხადა და თავშესაფარს მხოლოდ იშვიათ გამონაკლისებში გასცემდა.

2017 წელს საიმიგრაციო სამსახურს 289 მოქალაქემ მიმართა და მხოლოდ სამი განაცხადი დაკმაყოფილდა. 2018 წელს 39 განაცხადი დაფიქსირდა, თავშესაფარი კი არც ერთ მოქალაქეს არ მიუღია. ბოლო მონაცემებით, ქართველები ისლანდიაში თავშესაფარს აღარ ითხოვენ.