რუსთავში საახალწლო სოფლისთვის მზადება უკვე დაიწყო. მერიის წინ არსებულ მოედანზე კოტეჯების აწყობისა და განთავსების სამუშაოები მიმდინარეობს, რომლებშიც სხვადასხვა საახალწლო ნივთები, წიგნები, სენდვიჩები, გლიტვეინი და სხვა პროდუქტები გაიყიდება.

მოედანზე დაიდგმება 2 სცენა საკონცერტო და საცირკო წარმოდგენებისთვის, ასევე განთავსდება სანტას მარხილი. მერიის ცენტრალურ მოედანზე მიმდინარე სამუშაოებს ქალაქის მერი, ირაკლი ტაბაღუა პირადად გაეცნო.

საახალწლო ღონისძიებები რუსთავში 29, 30 და 31 დეკემბერს გაიმართება. ღონისძიებების განრიგი იხილეთ ბმულზე.

ავტორი: ირმა კურტანიძე