2017-12-24 16:48:37
რუსთავში "საქართველოს ავტომობილების მართვის აკადემიის" (Driving Academy) პრეზენტაცია გაიმართა. აკადემია ავტობაზრობის ტერიტორიაზე იფუნქციონირებს და მისი ხელმძღვანელი მევლუდ მელაძე იქნება.
ამ დროისთვის აკადემიაში 50-მდე საავტომობილო კლუბი უკვე გაწევრიანდა.
ცენტრში მისული ავტომოყვარულებისთვის შესაბამისი სივრცე იქნება გამოყოფილი, გარდა ამისა მოქალაქეები აკადემიაში ავტომობილის მართვასაც შეისწავლიან.
პრეზენტაციის ფარგლებში შეჯიბრება ჩქაროსნულ სლალომშიც გაიმართა, სადაც მონაწილეობა ნებისმიერ მსურველს შეეძლო. ღონისძიებას საქართველოს საავტომობილო ფედერაციის პრეზიდენტი შალვა ოგბაიძეც ესწრებოდა.
როგორც ავტომოყვარულები "ინფო რუსთავთან" საუბარში აცხადებენ, სხვადასხვა ღონისძიების გამართვა ავტოდრომის ნაცვლად "საქართველოს ავტომობილების მართვის აკადემიის" ტერიტორიაზე უკეთეს პირობებში შეეძლებათ, რადგან რუსთავის საერთაშორისო ავტოდრომმა ბოლო პერიოდში კლუბებისთვის გადასახადები გაზარდა, გარდა ამისა, მათივე განცხადებით, ავტოდრომი პატარა კლუბებთან არ თანამშრომლობდა. ნახეთ ვიდეო.
ავტორი: ირმა კურტანიძე
