რუსთაველები რომლებიც თბილისში იმყოფებიან დედაქალაქიდან წამოსვლას ვერ ახერხებენ. "ინფო რუსთავს" მგზავრები უკავშირდებიან და აცხადებენ რომ უკვე ნახევარ საათზე მეტი არიან ავტო სადგურებზე და მიკროავტუბუსები არ ჩანს. ერთ-ერთი მგზავრი აცხადებს რომ - "სპორტის სასახლესთან ათობით რუსთაველი ველოდებით ტრანსპორტს. რამდენიმე წუთის წინ მოვიდა 1 მიკროავტიბუსი, ზუსტად 2 წუთში გაივსო და წავიდა. უკვე 40 წუთია გაჩერებაზე ვდგავარ."

კომპანია "ინტერტრანსში" აცხადებენ რომ - "დედაქალაქში, ცენტრალურ ქუჩებზე არსებული საავტომობილო საცობების გამო მიკროავტობუსები დროულად ვერ ახერხებდნენ დანიშნული გრაფიკით გადაადგილებას. ამ მომენტისთვის არსებული ინფორმაციით საცობები შემცირდა და შესაბამისად რუსთაველებს ქალაქში დაბრუნების პრობლემა აღარ ექნებათ."