პირველი აპრილიდან დღემდე რუსთავში ააიპ რუსთავის საზოგადოებრივი ჯანმრთელობისა და უსაფრთხო გარემოს ცენტრმა ქალაქში არსებული 100-მდე სალონი შეამოწმა.

ამის შესახებ საინფორმაციო სააგენტო "ინფო რუსთავს" ცენტრის ხელმძღვანელმა დავით იშხნელმა განუცხადა. მისი თქმით, ამ დროისთვის გამოწერილია 200-მდე აქტი.

"სალონებში დაახლოებით 200-მდე აქტი გვაქვს დაწერილი, დაახლოებით 100-ზე მეტი ობიექტია შემოწმებული.

ჯარიმა ჯერ არ ყოფილა. ახლა ერთ-ერთ ყველაზე მძიმე ლოკაციაზე, სტამბულის ბაზარზე გადავედით და იქაც ისეთი განწყობაა, რომ თუ რამე შესაცვლელი/გამოსასწორებელი იწყებენ.

ცოტა მასშტაბური ჩარევა მოუწევთ. გარე კანალიზაციებია მოსაწყობი. წინააღმდეგობები და სირთულეები აქაც არ შეგვხვედრია",- განგვიცხადა დავით იშხნელმა.

ცნობისთვის, სალონებში დარღვევების გამოვლენის შემთხვევაში მეპატრონე ფიზიკური პირებისთვის ჯარიმა 50 ლარია, ხოლო იურიდიული პირებისთვის 100 ლარი. განმეორების შემთხვევაში 500 და 1000 ლარი.