2023-05-29 16:47:13
რუსეთთან პირდაპირი ფრენების აღდგენის გამო დემარშის მიზნით, ევროკავშირის ელჩი პაველ ჰერჩინსკი, ევროკავშირის ყველა ელჩთან ერთად, საქართველოს ვიცე-პრემიერს, ეკონომიკის მინისტრს ლევან დავითაშვილს შეხვდება.
საქართველოში ევროკავშირის წარმომადგენლობის ინფორმაციით, დემარში ხორციელდება ევროკავშირის 27 ქვეყნის სახელით.
შეხვედრა დღეს 17:00 საათზე გაიმართება.
ცნობისთვის, რუსეთის პრეზიდენტის ვლადიმერ პუტინის გადაწყვეტილება რუსული ავიაკომპანიებისთვის საქართველოში ფრენებზე აკრძალვის მოხსნის თაობაზე რუსეთის ოფიციალურ საკანონმდებლო ინტერნეტ პორტალზე 10 მაისს გამოქვეყნდა.
