შინაგან საქმეთა სამინისტროს საგანგებო სიტუაციების მართვის სამსახური სეზონური მაშველის ანაზღაურებად პოზიციაზე მიღებას აცხადებს.

საგანგებო სიტუაციების მართვის სამსახურის ინფორმაციით, სეზონური მაშველის პოზიციაზე 18-35 წლის პირები მიიღებიან, აუცილებელია ცურვის სრულყოფილად ცოდნა.

"დაინტერესებულმა პირებმა უნდა იქონიონ ჯანმრთელობის ცნობა. კონტრაქტის ამოწურვის შემდეგ, სურვილის შემთხვევაში, სეზონურ მაშველს შესაძლებლობა ექნება მუშაობა გააგრძელოს საგანგებო სიტუაციების მართვის სამსახურში.

დაგვიკავშირდით: 591 80 33 34", - ნათქვამია ინფორმაციაში.