15 წლის რუსთაველი გოგონა კარატეში ევროპის პრიზიორია.

ბულგარეთში, ქალაქ კრანევაოში გამართულ ევროპის ჩემპიონატზე შოტოკან კარატე-დოში, მარიამ შახბაზოვმა საპრიზო ადგილები მოიპოვა.

ახალგაზრდა სპორტსმენმა საპრიზო ადგილი 3 სხვადასხვა კატეგორიაში დაიკავა, ესენია:

Kata-2;
Kumite wkf-2;
Shobu ipon -3.

აღსანიშნავია, რომ ევროპის ჩემპიონატში მსოფლიოს 18 სხვადასხვა ქვეყანა მონაწილეობდა.

მარიამ შახბაზოვი 2 წელია კარატითაა დაკავებული. ის უკვე ემზადება მსოფლიო ჩემპიონატისთვის, რომელიც უზბეკეთში, ქალაქ ტაშკენტში გაიმართება. რუსთაველი გოგონა გუნდურ ასპარეზზე ახალგაზრდული ნაკრების წევრად მოიაზრება.

სპორტსმენის მწვრთნელები თეონა სულამანიძე და ზურაბ აბაკელია არიან.