საზღვარგარეთ მოგზაურობითა და სწავლით დაინტერესებულ ახალგაზრდებს, რუბრიკა #გააფართოვეშენიჰორიზონტი წარმოგიდგენთ ახალ გაცვლით პროგრამას, რომელიც ჩეხეთის რესპუბლიკაში ჩატარდება. ახალგაზრდული ასოციაცია ,,დრონი”- ს პატრნიორმა ორგანიზაციამ ჩეხეთიდან 10-12 თვიანი ვაკანსია გამოაცხადა.

პროექტი საშუალებას იძლევა, შეისწავლოთ ქვეყანა და ეზიაროთ ახალ კულტურას. იყოთ ნაწილი ადგილობრივი საზოგადოებისა, რომელიც სიამოვნებით გაგაცნობთ და გაგიზიარებთ თავიანთ წეს-ჩვეულებებს.

პროექტის ფარგლებში საშუალება გექნებათ გაუზიაროთ თანამოხალისეებს თქვენი იდეები, ინტერესები, ჰობი, ასევე დაესწროთ,  სხვადასხვა სემინარს, საიდანაც მიიღებთ შთაგონებას, გაიცნოთ სხვა მოხალისეები, და იმუშაოთ მათთან ერთად.

პროექტის მსვლელობისას, გვერდით გეყოლებათ მენტორები და კოორდინატორი, რომლებიც დაგეხმარებიან იპოვოთ შესაფერისი სამუშაო ჯგუფი, ისინი იზრუნებენ თქვენს ინფორმირებულობაზე და მოგცემენ მითითებებს.

ვის შეუძლია მონაწილეობის მიღება?

მონაწილეობის მიღება შეუძლია ყველას, ვინც 18-30 წლამდე ასაკობრივ კატეგორიას აკმაყოფილებს.

     ფინანსდება:

    1.    ორმხრივი მგზავრობის ხარჯები.

    2.       ჯიბის ფული ( 5 ევრო დღეში, საკვების შემწეობა 138 ევრო თვეში.)

    3.       სამუშაო ადგილისა და სემინარების ლოკაციებზე მიმოსვლის ხარჯები.

    4.       ფინანსურ მხარდაჭერას მიიღებთ ასევე მინი-პროექტისთვის. თანხის რაოდენობა გადაწყდება თქვენს ხელმძღვანელთან კონსულტაციის მიხედვით.

    ·         სამუშაო პერიოდის მიმდინარეობა:

    1.       დღეში 6 საათი, კვირაში 5 დღე (30 საათი კვირაში).

    2.       დასვენება - კვირაში 2 დღე.

    3.       თვეში დამატებით ორი დასვენების დღე.

    4.       ჩეხური ენის კურსი - კვირაში 90 წუთი.

     საცხოვრებელი:

    მოხალისეები უზრუნველყოფილნი იქნებიან საცხოვრებელი ბინით, რომელსაც რამდენიმე თანატოლთან გაიზაირებენ. ამასთან ერთად, თითოეულ მათგანს,  ექნება პირად სივრცე.

     პროგრამა ფინანსდება ევროპის სოლიდარობის კორპუსის ან ნებაყოფლობითი სამსახურის ეროვნული პროგრამის მიერ. ევროპის სოლოდარობის კორპუსი არის ევროკომისიის პროგრამა, რომელიც ეხმარება 18-დან 30 წლამდე ახალგაზრდებს მონაწილეობა მიიღონ პროექტებში, რომლებიც სარგებელს მოუტანს საზოგადოებას, როგორც საკუთარი ქვეყნის შიგნით, ასევე ქვეყნის გარეთ.

     დედლაინი: 31.05.23

     მსგავს პროგრამებთან დაკავშირებით მეტი ინფორმაციისთვის თვალი ადევნეთ Info Rustavi -ის გვერდს.

დეტალური ინფორმაცია იხილეთ მითითებულ ბმულზე. 

დაინტერესების შემთხვევაში გადადით შესავსები აპლიკაციის ბმულზე.