რუსთავიდან თბილისის მიმართულებით, ამ დროისთვის, 7 ავტობუსი მოძრაობს.

ავტობუსები დედაქალაქისკენ მოძრაობას ყოველ დილით - 7 საათზე იწყებენ.

მუნიციპალური ავტობუსების გადაადგილების გრაფიკი კვირის დღეების მიხედვით განსხვავებულია.

სამუშაო დღეებში, ავტობუსები თბილისის მიმართულებით, ყოველ 13 წუთში ერთხელ გადიან.

რაც შეეხება შაბათ-კვირას, დასვენების დღეებში, რეისებს შორის 20 წუთიანი ინტერვალია.

ბოლო რეისი თბილისის მიმართულებით, სამუშაო დღეებში 22:10 წეთზე სრულდება, შაბათ-კვირას კი თბილისის მიმართულებით წასვლას ავტობუსით - 22:00 საათზე შეძლებთ.

როგორც შესაბამის სამსახურში აცხადებენ, ბოლო პერიოდში მგზავრთა ნაკადმა მოიმატა, სწორედ ეს გახდა იმის მიზეზი, რომ თავდაპირველად დანიშნული 5 ავტობუსის ნაცვლად, დღეს მგზავრებს 7 ავტობუსი ემსახურება.

დღის განმავლობაში, რუსთავი - თბილისის მიმართულებით მოძრავი ავტობუსებით,  საშუალოდ 3000-მდე მგზავრი სარგებლობს.