12 დეკემბრიდან თბილისი-გარდაბნის მიმართულებით მატარებელმა მოძრაობა განაახლა.

მატარებელი ამ მარშრუტზე რუსთავსაც გაივლის და შესაბამისად მგზავრებს აიყვანს.

რეისი ყოველდღიურად, დღეში 2-ჯერ შესრულდება.

როგორც "ინფო რუსთავს" საქართველოს რკინიგზაში განუცხადეს, მატარებელი თბილისიდან 07:10 საათზე გამოსვლის შემდეგ რუსთავის რკინიგზის სადგურზე 08:00-ზე იქნება, ხოლო გარდაბნიდან 8:25 საათზე გამოსვლის შემდეგ 08:37-ზე.

19:00-ზე თბილისიდან გამოსვლის შემდეგ, რუსთავის სადგურში 19:52-ზე იქნება, ხოლო გარდაბნიდან 20:20-ზე გამოსვლის შემდეგ  20:32-ზე.

რუსთავიდან მგზავრობის ღირებულება 50 თეთრია.