საგარეჯოში მომხდარი ავტოსაგზაო შემთხვევის შედეგად დაშავებული ახალგაზრდა რუსთაველი ქალის ჯანმრთელობის მდგომარეობა უმძიმესია. ის საგარეჯოს "ჯეო ჰოსპიტალსიდან" თბილისში, "ამტელ ჰოსპიტალშია" გადმოყვანილი.

როგორც სამედიცინო დაწესებულებაში აცხადებენ, პაციენტი რეანიმაციულ განყოფილებაშია მოთავსებული, მისი მდგომარეობა კი ძალიან მძიმედ ფასდება.

შეგახსენებთ, ავტოსაგზაო შემთხვევას ემსხვერპლა გოგონას ბებია და ბაბუა, მისმა მცირეწლოვანმა შვილმა კი მსუბუქი დაზიანებები მიიღო.

ავარია სოფელ მანავში მოხდა. რუსთაველი ოჯახი მსუბუქი ავტომობილით გადაადგილდებოდა, რა დროსაც საპირისპიროდ მოძრავ ტრაილერს შეეჯახნენ.