2022-07-03 20:38:08
თბილისში, რუსთაველის ქუჩაზე საქართველოს პარლამენტთან მრავალათასიანი საპროტესტო აქცია "შინ ევროპისკენ" იმართება.
აქცია სამოქალაქო მოძრაობა "სირცხვილიას" მიერაა ორგანიზებული და მას შეუერთდნენ საზოგადოების სხვადასხვა წევრები, ოპოზიციური პარტიები და 15-მდე უნივერსიტეტის სტუდენტები.
დემონსტანტებს გადაკეტილი აქვს ცენტრალური გამზირი. აქციის ორგანიზატორმა, მოძრაობა "სირცხვილიას" ერთ-ერთმა წევრმა განაცხადა, რომ ისინი მთელი ღამე არ დაიშლებიან.
მოძრაობის მოთხოვნებია, გადადგეს თანამდებობიდან პრემიერ-მინისტრი ირაკლი ღარიბაშვილი და შეიქმნას ეროვნული თანხმობის მთავრობა.
ულტიმატუმი დღეს, შუაღამისას იწურება.
