რუსთავში გადაღებული ფილმის "ზეციური ქალბატონის (The lady of heaven)" ოფიციალური ტრეილერი გამოვიდა. [ვიდეო/video]

ფილმი, რომლის სცენების ნაწილიც რუსთავის ქუჩებსა და სამგორის მახლობლად სპეციალურად გაშენებულ არაბული ტიპის დასახლებაშია გადაღებული, ისტორიული დრამაა და ინგლისურმა კინომწარმოებელმა კომპანია Enlightened Kingdom-მა გადაიღო. ძირითადი სიუჟეტი ისტორიულ ფიგურაზე ფატიმაზე მოგვითხრობს, აღწერილია წინასწარმეტყველი მუჰამედის ეპოქა, ასევე სიუჟეტი ვითარდება 21-ე საუკუნეშიც და მოგვითხრობს ისლამური ტერორიზმის წარმოშობაზე.

ფილმი ეკრანებზე 10 დეკემბერს გამოვა. გადაღებები 2019 წელს რუსთავის გარდა ვაზიანის სამხედრო ბაზის,​ ნავთლუღისა და ჯიქიას ქუჩის ტერიტორიებზეც მიმდინარეობდა.

ფილმში მონაწილეობა მიიღო ქართველმა ჰალკმა, ლევან საგინაშვილმაც, მის გარდა ეპიზოდურ როლებში მონაწილეობს 100-მდე რუსთაველი მსახიობი.