2021-05-19 19:56:02
რუსთავში, "ბიუ ბიუს" 4 ჯიხური გაქურდეს.
გაქურდულია რუსთაველისა და მესხიშვილის ქუჩებზე, შარტავას გამზირსა და 12-ე მიკრორაიონში არსებული ჯიხურები.
როგორც "ინფო რუსთავს" კომპანია "ბიუ ბიუს" მარკეტინგის მენეჯერმა, ანი ვაშაკიძემ განუცხადა, შემთხვევა, სავარაუდოდ, "კომენდანტის საათის" დროს მოხდა.
არსებული ინფორმაციით, თითო ჯიხურიდან წაღებულია 600-700 ლარის ოდენობის თანხა.
"ინფო რუსთავის" ინფორმაციით, ფაქტზე დაწყებულია გამოძიება.
