2020-02-28 13:32:15
ზუგდიდი-ანაკლიის გზაზე, სოფელ დარჩელის მონაკვეთზე მომხდარ ავარიას 3 ადამიანის სიცოცხლე ემსხვერპლა. გარდაცვლილია ცოლ-ქმარი, დათო სოსელია და ნანა ჯალაღონია და მათი მეზობელი მამუკა ტურავა. არსებული ინფორმაციით, გარდაცვლილები ადგილობრივები არიან.
ავტოსაგზაო შემთხვევის შედეგად დაშავებული ახალგაზრდის კუზა ტორუას მდგომარეობა კი უკიდურესად მძიმეა.
როგორც შსს-ში ინფო რუსთავს განუცხადეს, მომხდარზე გამოძიება 276-ე მუხლის მე-8 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან ორზე მეტი პირის გარდაცვალება გამოიწვია.
