2020-02-22 21:38:40
თეირანი-თბილისი ავიარეისი შესრულდა.
აეროპორტში ჩამოსული მგზავრებიდან 4 ინფექციურ საავადმყოფოში გადაიყვანეს.
არსებული ინფორმაციით, მათ მაღალი ტემპერატურა აღენიშნებათ.
"კლინიკაში რამდენიმე წუთის წინ მოიყვანეს ირანის 4 მოქალაქე, რომელიც ჩამოსულია ირანიდან. ერთი არის ახალგაზრდა ქალი, სამი - ახალგაზრდა ვაჟი. ოთხივე მათგანი აეროპორტში სტანდარტულად შეამოწმეს და დაუფიქსირდა მომატებული ტემპერატურა. ახლა იწყებენ გამოკვლევებს, მათ ჩაუტარდებათ ყველა გამოკვლევა და პასუხი შემდეგ გვეცოდინება", - განაცხადა თენგიზ ცერცვაძემ.
შეგახსენებთ რომ, ინფექციურ საავადმყოფოში გუშინ შეყვანილ ირანის სამ მოქალაქეს კორონავირუსი არ დაუდასტურდა.
