2020-01-05 18:32:26
ავტოსაგზაო შემთხვევა მოხდა კახეთში, გურჯაანის ცენტრში. "ინფო რუსთავის" ინფორმაციით, ცენტრალურ ქუჩაზე მოძრავმა სატვირთო მანქანის მძღოლმა საჭე ვერ დაიმორჩილა, ჯერ რამდენიმე მანქანას, შემდეგ კი აფთიაქის კედელს შეეჯახა.
ავარიის შედეგად მსუბუქად დაშავდა 4 ადამიანი, მათ შორის შედარებით მძიმეა ახალგაზრდა გოგონას მდგომარეობა, რომელიც ქვეითად გადაადგილდებოდა.
ის სასწრაფო-სამედიცინო დახმარების ჯგუფმა ჯეოჰოსპიტალსის საავადმყოფოში გადაიყვანა.
როგორც "ინფო რუსთავს" შსს-ში განუცხადეს, საქმეზე გამოძიება უკვე დაიწყო.
