2 წლის ანიტას გულის ოპერაციის ჩასატარებლად ინდოეთი მზადაა. როგორც ბავშვის ახლობლები ამბობენ, ინდოეთი თავიდანვე თანახმა იყო ანიტას მიღებაზე, უბრალოდ, ფრენის დიდი რისკისა და ხანგრძლივობის გამო ამ ვარიანტს თავიდან არ განიხილავდნენ.

,,მე ვთხო­ვე ჩვენს ელჩს ინ­დო­ეთ­ში, რომ დღე­ვან­დელ ჩვენ შეკ­რე­ბა­ზე არ დარ­ჩეს და გა­ემ­გზავ­როს ინ­დო­ეთ­ში, რად­გა­ნაც ამ ბავ­შვის გა­დარ­ჩე­ნა ძა­ლი­ან მნიშ­ვნე­ლო­ვა­ნია.დაგ­ვთან­ხმდა ინ­დო­ე­თის ერთ-ერთი კლი­ნი­კა, რომ შე­სა­ბა­მი­სი ოპე­რა­ცია ჩა­ტარ­დეს. ყვე­ლა ზო­მას მივ­მარ­თავთ იმის­თვის, რომ ბავ­შვს სი­ცო­ცხლე შე­ვუ­ნარ­ჩუ­ნოთ''- ელჩების კონფერენციის გახსნაზე საქართველოს საგარეო საქმეთა მინისტრმა დავით ზალკალიანმა განაცხადა.

შეგახსენებთ, რომ ანიტა ამ დრომდე ავსტრიაში რჩება, სადაც მისთვის გული ოპერაცია უნდა გაეკეთებინათ, თუმცა აღმოჩნდა, რომ ოპერაციისთვის ბავშვი ავსტრიის მოქალაქე უნდა ყოფილიყო. ავსტრიელი და ინდოელი ექიმები ერთობლივად მსჯელობენ ანიტას მდგომარეობაზე, რამდენად სარისკოა ფრენა ამ მომენტისთვის. ბავშვის ოპერაციაზე უარი თქვეს იტალიისა და ბელორუსიის კლინიკებმაც.