"ინფო რუსთავი"-ს მიერ გავრცელებული ინფორმაციის შემდეგ რუსთავის პოლიციამ მომხდარზე გამოძიება დაიწყო.
არსებული ინფორმაციით პირი რომელმაც "ბიჭუნა"-ს ქანდაკება დააზიანა იდენტიფიცირებულია.
"ინფო რუსთავი"-სთვის ცნობილია რომ ქანდაკება 15 წლის ბიჭმა დააზიანა. "მოზარდი სკულპტურას მუშტებს ურტყავდა და საბოლოოდ ძირში გადატეხა" - ამის შესახებ სააგენტოს თვითმხილველმა განუცხადა.
პოლიციამ ფაქტის დამადასტურებელი კადრები, მიმდებარე ტერიტორიაზე არსებული ვიდეო სათვალთვალო კამერებიდან სავარაუდოდ უკვე ამოიღო.
"ინფო რუსთავს" შსს-ში განუცხადეს რომ - "მომხდარზე გამოძიება სსკ 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს".