თურქეთში, ადანას კოზანის რაიონში სამგზავრო ავტობუსის გადაბრუნების შედეგად ორი ადამიანი დაიღუპა და 23 დაშავდა.

ინფორმაციას თურქული მედია "TRTHABER" ავრცელებს.

ავტოსაგზაო შემთხვევისას გადაბრუნდა Kamil Koch-ის კომპანიის კუთვნილი სამგზავრო ავტობუსი, რომელიც ანკარიდან ოსმანიენის მიმართულებით მოძრაობდა.

შემთხვევის ადგილზე მობილიზებული იყო სასწრაფო სამედიცინო დახმარების სამსახურის, საპატრულო პოლიციის და სახანძრო სამსახურის ჯგუფები.
შემთხვევის შედეგად 2 ადამიანი ადგილზე გარდაიცვალა.

23 დაშავებული სასწრაფო დახმარების მანქანით კოზანის სახელმწიფო საავადმყოფოში გადაიყვანეს.

ავარიის შემდეგ ავტობუსის მძღოლი დააკავეს.