რუსთავის N5 საჯარო სკოლაში ეროვნული ინტელექტ-ჩეპიონატ "ეტალონის" ფინალური ეტაპი გაიმართა და "რუსთავის ეტალონი" მოსწავლე გამოვლინდა.

კონკურსში ქალაქის მასშტაბით საჯარო და კერძო სკოლებში ჩატარებული შიდაშესარჩევი ეტაპის გამარჯვებული 85 მოსწავლე მონაწილეობდა. მათგან "რუსთავის ეტალონი მოსწავლის" ტიტული კი №20 სკოლის მე-11 კლასის მოსწავლემ მარიამ ბრეგვაძემ მოიპოვა.

გამარჯვებული ეტალონის კონკურსზე, რომელიც ქვეყნის მასშტაბით გაიმართება, რუსთავის სახელით მიიღებს მონაწილეობას.

ღონისძიებას რუსთავის მერი ირაკლი ტაბაღუა, სკოლების დირექტორები, პედაგოგები, მოსწავლეები და მშობლები ესწრებოდნენ. (ყველაზე მაღალქულიანი მოსწავლეების რეიტინგი იხ. ფოტოზე ↓)

ავტორი: ირმა კურტანიძე