უწმინდესის აღსაყდრებიდან 40, დაბადებიდან 85 და საქართველოს ავტოკეფალიის აღდგენიდან 100 წლის იუბილესთან დაკავშირებით რუსთავის პარკში შესაძლოა ვარდების ბაღი გაშენდეს. იდეის ავტორი რუსთაველი ახალგაზრდა ნანა ბეღელაძეა. ნანა ბეღელაძე "ინფო რუსთავს" უყვება - "იდეა წამოვიდა იქიდან, რომ პატრიარქს ძალიან უყვარს თეთრი ვარდები და ეს ბაღიც სიმბოლურად თეთრი ვარდებით გაშენდება, დიზაინიდან გამომდინარე შეერევა სხვა ნაზი ფერებიც, ამაზე მუშაობა ჯერ კიდევ მიდის. სიმბოლურად უწმინდესის სოფლიდან სნოდან, ჩამოვიტანთ ლოდს, ბაღის საინფორმაციო აბრისთვის და მთის ყვავილებს, ეს ყველაფერი სიმბოლურად, რაც პატრიარქს გაახარებს. მეუფეს კურთხევაც გვაქვს. გვინდა ამით სჩუქარი გავუკეთოთ უწინდესსა და უნეტარეს ილია მეორეს. უახლოეს პერიოდში ჩემს მეგობრებთან ერთად ვაპირებ სპონსორების მოძიებას აღნიშნული პროექტის განსახორციელებლად" - განაცხადა ნანა ბეღელაძემ.

"ინფო რუსთავი"-ს ინფორმაციით პროექტში ჩართვა ნებისმიერ დაინტერესებულ პირს შეუძლია.