''ინფო რუსთავი'' დაინტერესდა ფიქსირდება თუ არა რუსთავში ჩუტყვავილას შემთხვევები. როგორც გავარკვიეთ ბავშვთა საავადმყოფოში და #1 დიაგნოსტიკურ ცენტრში მიმდინარე თვეში არცერთი შემთხვევა არ დაფიქსირებულა. რაც შეეხება #2 სამკურნალო დიაგნოსტიკურ ცენტრს, როგორც რუსუდან ადამიამ ინფო რუსთავთან საუბრისას განაცხადა მათ სამედიცინო დაწესებულებაში ჩუტყვავილას მხოლოდ 5 შემთხვევა დაფიქსირდა. მედიკოსების განმარტებით რუსთავში ჩუტყვავილას დინამიკამ იკლო.

რაც შეეხება წითელას შემთხვევებს-ქვეყნის მასშტაბით მნიშვნელოვანი მატება შეიმჩნევა, თუმცა რუსთავში მედიკოსები პანიკის საფუძველს ვერ ხედავენ. პრევენციის მიზნით კი რუსთავის ბაგა ბაღების გაერთიანება და საზოგადოებრივი ჯანმთელობისა და უსაფთხო გარემოს უზრუნველყოფის ცენტრი, რიგ ღონისძიებებს ახორციელებს. კერძოდ ბაღების გაერთიანების მიერ გავრცელებულ განცხადებაში ვკითხულობთ, რომ  დოკუმენტაციის საფუძველზე, ყველა ფილიალში მოხდა წითელას საწინაარმდეგო აცრის სტატუსის განსაზღვრა და აუცრელი ბავების გამოვლენა. ასეთი სულ 35 პატარა აღმოჩნდა. 4 მათგანს ექიმის რეკომენდაციით არ აქვს აცრა ჩატარებული, 31 ბავშვის მშობელმა კი დააფიქსირა უარყოფითი დამოკიდებულება აცრების მიმართ. ასევე რეკომენდაცია გაეწია 20-დან 41 წლამდე პერსონალს წითელა-წითურა-ყბაყურას საწინააღმდეგო ვაქცინის ხელახალი ჩატარების თაობაზე.