2018-02-10 14:42:31
გვიან ღამით რუსთავი-თბილისის ავტომაგისტრალზე, რუსთავის შემოსასვლელთან "BMW"-ს მარკის ავტომობილი ხიდიდან გადავარდა. შემთხვევის ადგილზე მობილიზებული იყო საპატრულო პოლიცია და სასწრაფო დახმარების ეკიპაჟი. დაშავდა ხუთი ადამიანი, აქედან ორს ადგილზე გაეწია დახმარება, ხოლო დანარჩენები ცენტრალურ საავადმყოფოსა და "კლინიკა რუსთავში" გადაიყვანეს. კლინიკის მორიგე ექიმმა "ინფო რუსთავთან" განაცხადა: "ორი 30 წლამდე მამაკაცი გვიან ღამით იქნა შემოყვანილი ჩვენს კლინიკაში. მათი მდგომარეობა სტაბილურია. მწვავე ტრამვული დაზიანებები არ აღენიშნებათ. იმყოფებიან მეთვალყურეობის ქვეშ. სავარაუდოდ პაციენტები უახლოეს პერიოდში გაეწერებიან ბინაზე.” ცენტრალურ საავადმყოფოში დირექტორის მოადგილემ დავით გოგოძემ განაცხადა: "ღამის ორის ნახევარზე სასწრაფო დახმარებამ მოიყვანა საგზაო შემთხვევის შედეგად დაზარალებული ახალგაზრდა მამაკაცი, რომელსაც აღენიშნებოდა ზედაპირული ტრამვები. ჩაუტარდა შესაბამისი კვლევები, გამოირიცხა მძიმე და შინაგანი ორგანოების დაზიანება და გაიწერა ბინაზე." ნახეთ ვიდეო.
ავტორი: ნინა პარუნაშვილი
