ქალაქის მერმა ირაკლი ტაბაღუამ რუსთაველი მხატვრის გიორგი ჩაჩანიძის ნახატები დაათვალიერა. 23 წლის  მხატვარმა ნამუშევრებისთვის პატარა სახელოსნო მეგობრობის ქუჩაზე, საცხოვრებელი ბინის ეზოში, ავტოფარეხების გვერდით მოაწყო და მას „Artოfarexi” უწოდა. ახალგაზრდა მხატვარს აბსტრაქტული და სხვადასხვა ნივთებისგან შექმნილი 50-მდე ნახატი აქვს პატარა სივრცეში გამოფენილი.
ნამუშევრების დათვალიერების შემდგომ ირაკლი ტაბაღუამ „ინფო რუსთავთან“ განაცხადა:
„როდესაც გიორგიმ მოაწყო თავისი ნამუშევრების გამოფენა ჩვენ შევთანხმდით, რომ მიმიწვევდა თავის სახელოსნოში. დღეს სწორედ ის დღეა, როდესაც მის სახელოსნოს ვესტუმრეთ. მე მაოცებს თითოეული მისი ნამუშევრის შინაარსი და სიღრმე. მის წარმოსახვაში დანახული რეალობა, მნიშვნელოვანი და მრავალფეროვანია. ძალიან დიდი ნიჭი დევს ნამუშევრებში და ამისთვის მინდა გიორგის დიდი მადლობა გადავუხადო. თითოეული ადამიანის შემოქმედებითობა ძალიან  მნიშვნელოვანია ჩვენი ქალაქისათვის. მე გიორგის მაქსიმალურ გვერდში დგომას ვუცხადებ“

ავტორი: ნინა პარუნაშვილი