რუსთავის ამერიკულ კუთხეში "ქალთა გაძლიერების პროგრამის“ შემაჯამებელი შეხვედრა გაიმართა. პროექტის ხელმძღვანელმა, საკრებულოს თავჯდომარის მოადგილემ ნინო ტაბატაძემ შეხვედრაზე  წარმატებული ქალბატონები მოიწვია, რომლებმაც დამსწრე საზოგადოებას საკუთარი გამოცდილება გაუზიარეს. მოწვეულ სტუმრებს შორის იყო ქალაქის მერის მეუღლე მაია დალაქიშვილი. პროექტი „ქალთა გაძლიერების პროგრამა“ რუსთავის ამერიკული კუთხის და არასამთავრობო ორგანიზაციის „ახალგაზრდა ინიციატორების“ მხარდაჭერით ოთხი თვის განმავლობაში მიმდინარეობდა. პროექტში დიასახლისი ქალბატონები იყვნენ ჩართულნი. მონაწილეებმა გაიარეს ინგლისური ენის და კომპიუტერული პროგრამების კურსები, ასევე შეისწავლეს პროექტების წერა. პროგრამა გაგრძელდება და მასში მონაწილეობას ამჯერად  სოციალურად დაუცველი ქალები მიიღებენ.

ავტორი:ნინა პარუნაშვილი