რუსთავის მერიაში "მერების შეთანხმება აღმოსავლეთი II-ის" პროექტის ფარგლებში შეხვედრა გაიმართა. შეხვედრაზე ქალაქის მერმა ირაკლი ტაბაღუამ ექსპერტ გიორგი აბულაშვილთან ერთად ენერგოეფექტურობის საკითხები განიხილა და მუნიციპალიტეტის საკუთრებაში არსებულ შენობა-ნაგებობებში, მათ შორის სკოლამდელი ასაკის აღზრდის დაწესებულებებში, ენერგოეფექტურობის პროექტის განხორციელებაზე იმსჯელა.

ირაკლი ტაბაღუას ინფორმაციით, პროექტი არამარტო ეკოლოგიური თვალსაზრისით, არამედ თანხების დაზოგვის მიზნითაც მნიშვნელოვანია.

შეგახსენებთ, ენერგოეფექტურობის პროექტის ფარგლებში რეაბილიტაცია უკვე ჩაუტარდა №6 და №40 ბაგა-ბაღებს.

ავტორი: ირმა კურტანიძე