რუსთავის ქიმიკოსთა სპორტკომპლექსში ULTIMAX-ის საკლუბო, მესამე მსოფლიო ჩემპიონატი გაიმართა. ჩემპიონატზე გამართულ შერეულ ორთაბრძოლებში 18 ქვეყანა მონაწილეობს. მოასპარეზები 9-18 წლამდე და +18 ასაკობრივ ჯგუფებში არიან განაწილებულნი. განსაზღვრულია, ასევე, წონითი კატეგორიები. ჩემპიონატი სამ სახეობაში მიმდინარეობს MMA, KICKBOXING და GRAPPLING.

შეჯიბრს ესწრებოდა მერის მოადგილე გოჩა ლორია და ირანის ელჩი საქართველოში მოჯთაბა დამირჩილუ. „ინფო რუსთავთან“ საუბრისას გოჩა ლორიამ აღნიშნავს: “სპორტისა და ზოგადად ქალაქის პოპულარიზაციისთვის, ვფიქრობ, მნიშვნელოვანია, რომ ასეთი ღონისძიებები უფრო ხშირად ტარდებოდეს. ჩვენ სიამოვნებით დავუთმეთ დარბაზი ჩემპიონატისთვის და მომავალში თუ კიდევ იქნება მსგავსი ღონისძიება, მზად ვართ, ისევ დავუთმოთ. ჯობს, ახალგაზრდობა სპორტით დაკავდეს, ვიდრე ქუჩით.“

ირანის ელჩმა კი ჩემპიონატის მნიშვნელობაზე გაამახვილა ყურადღება. „მე ბედნიერი ვარ, რომ დღეს ამ აქ ვიმყოფები. ვფიქრობ, არსებული დიპლომატიის ფარგლებში ეს შეხვედრა დაეხმარება მონაწილე ქვეყნებს ურთიერთობების თვალსაზრისით. კარგია როდესაც შეჯიბრებები სხვადასხვა ქვეყნებში იმართება, გარდა სპორტისა ვეცნობით მათ კულტურას და ტექნოლოგიურ წინსვლებს",- მოჯთაბა დამირჩილუმ.

ღონისძიების ორგანიზატორია CREATIVE GROUP, ხოლო მხარდამჭერია რუსთავის მერია. ქიმიკოსთა სპორტლპმპლექსში გამართული ჩემპიონატი დღეს დასრულდება და გამარჯვებულებს მედლები და თასები გადაეცემათ. ნახეთ ვიდეო.