სიტყვიერი და ფიზიკური დაპირისპირება მოხდა გვიან ღამით რუსთავის ერთ-ერთ ლაუნჯ-ბარში. გავრცელებული ინფორმაციით, ახალგაზრდების ერთი ჯგუფი დაბადების დღეს აღნიშნავდა, რა დროსაც მათ შეკამათება ბარში მყოფ პირებთან მოუვიდათ. სიტყვიერი შელაპარაკება ჩხუბში გადაიზარდა, ობიექტის დაცვამ მამაკაცები ბარიდან გაიყვანა, თუმცა ფიზიკური დაპირისპირება უკვე ქუჩაში გაგრძელდა. ჩხუბის დროს რამდენიმე ახალგაზრდა მამაკაცი სცემეს, ადგილზე მობილიზებული იყო საპატრულო პოლოციის და სასწრაფო-სამედიცინო დახმარების ეკიპაჟები. დაშავებულებმა კლინიკაში გადაყვანაზე უარი განაცხადეს. შსს-ში აცხადებენ რომ - "ფაქტთან დაკავშირებით გამოძიება 126 მუხლის პირველი ნაწილით დაიწყო, რაც ცემას გულისხმობს."