წმ.ნინოს ქუჩიდან რუსთავის ცენტრალურ პარკში ჩასასვლელად პანდუსი მოეწყობა. რუსთავის მუნიციპალიტეტმა ზიგზაგური პანდუსის მოწყობის სამუშაოების შესყიდვაზე ტენდერი უკვე გამოაცხადა.

წმ.ნინოს ქუჩიდან პარკში ჩასასვლლელ ტერიტორიაზე პანდუსის არარსებობა პრობლემას როგორც განსაკუთრებული საჭიროებების მქონე პირებს, ასევე საბავშვო ეტლით მოსიარულე მშობლებს უქმნის, რის შესახებაც მოსახლეობამ "ინფო რუსთავს" არაერთხელ მიმართა.
აღნიშნულ ტერიტორიაზე პანდუსის მოწყობა ჯერ კიდევ  გასულ წელს დაანონსდა.

ამჟამად, სატენდერო დოოკუმენტების თანახმად, პარკში სულ 3 პანდუსი: ჩასასვლელთან, კიბეებთან და ხიდთან მოეწყობა.

პანდუსების მოწყობისთვის ქალაქის ბიუჯეტიდან 23,712 ₾ გამოიყო.
ტენდერში გამარჯვებულმა კომპანიამ  შესაბამისი სამუშაოები ხელშეკრულების გაფორმებიდან 160 დღეში უნდა შეასრულოს.

ავტორი: ირმა კურტანიძე